ಸೆ.5ರ ನಂತರ ಮೋದಿ ಸಂಕಷ್ಟಕ್ಕೆ ಪರಿಹಾರ, ಆದರೂ ಆತಂಕ ಎದುರಿಸಬೇಕದೀತು: ಅಮ್ಮಣ್ಣಾಯ ಭವಿಷ್ಯ

ಸದ್ಯ ಸೆ.4 ರ ನಂತರ ಮೋದಿಗಿದ್ದ ಸಂಕಷ್ಟಗಳು ಮುಗಿಯಿತು. ಯಾವಾಗ 2019 Febನಿಂದ ಚಂದ್ರದಶೆಯಲ್ಲಿ ಪ್ರತ್ಯರ ತಾರೆಯಲ್ಲಿರುವ ಕೇತು ಭುಕ್ತಿ ಶುರುವಾಗಿತ್ತೋ ಅಲ್ಲಿಂದ ನಿಂದನೆಗಳ ಸುರಿಮಳೆಯಲ್ಲೇ ತೋಯ್ದು ಹೋದರು. ಆದರೆ ಬಲಿಷ್ಟ ಶನಿ ಮತ್ತು ಚಂದ್ರರಿಂದಾಗಿ ಮನೋಬಲ ಇದ್ದುದರಿಂದ ವಿಚಲಿತರಾಗಲಿಲ್ಲ. ವಿಚಲಿತರಾದವರು ದಾರಿ(Route) ಬದಲಾಯಿಸಿ ಎಡವಟ್ಟು ಮಾಡಿಕೊಳ್ಳುತ್ತಾರೆ. ಆದರೆ ಮೋದಿಯವರದ್ದು ಅಚಲವಾದ ನಿಲುವಾಗಿದೆ.

ಈಗ ಸೆ.4 ರ ನಂತರ ಶುಕ್ರ ಭುಕ್ತಿ. ಇದು ಮೋದಿಯವರ ಜನ್ಮ ನಕ್ಷತ್ರಕ್ಕೆ ಕ್ಷೇಮ ತಾರೆಯ ಭುಕ್ತಿ. ಆದರೂ ಶುಕ್ರನಿಗೆ ವ್ಯಯಾಧಿಪತ್ಯ ಇರುವುದರಿಂದ ಧನ ವ್ಯಯವಾಗಲಿದೆ. ವ್ಯಯ ಆದರೂ ವ್ಯವಸ್ಥೆ ಸರಿ ಮಾಡಿಕೊಳ್ಳುವುದಕ್ಕಾಗಿಯೇ ಇರುತ್ತದೆ. ಈ ಕೇತು ಭುಕ್ತಿಯಲ್ಲಿ ಆತಂಕವಾದಿಗಳ ಉಪಟಳವೇ ಹೆಚ್ಚಾಯ್ತು. ರಾಹು ಕೇತುಗಳು ಯಾವಾಗಲೂ ಅವರಿರುವ ಕ್ಷೇತ್ರ, ಗ್ರಹರು, ಅವರಿರುವ ನಕ್ಷತ್ರಗಳ ಆಧಾರಲ್ಲೇ ಫಲ ನೀಡುವವರು. ಅಲ್ಲದೇ ಅವರಿರುವ ಭಾವಕ್ಕನುಗುಣವಾಗಿಯೂ ಫಲ ನೀಡುತ್ತಾರೆ.

ಈ ಕೇತುವು ಲಾಭದಲ್ಲಿ ಇದ್ದು, ರವಿಯ ನಕ್ಷತ್ರದಲ್ಲೂ, ಬುಧ ರವಿಗಳ ಸಂಪರ್ಕದಲ್ಲೂ ಇರುವುದರಿಂದ, ಬುಧನಿಂದ ಆರ್ಥಿಕ ಆತಂಕವನ್ನೂ, ಕೇತುವಾಗಿ ಮತಾಂಧರ ಉಪಟಳ, ರವಿಯ ಜೊತೆಗಿರುವುದರಿಂದ ಆಡಳಿತಾತ್ಮಕ ತೊಂದರೆಗಳನ್ನು ನೀಡುತ್ತಾನೆ. ಒಂದೆಡೆ ಲಾಭದಲ್ಲಿದ್ದ ಕೇತುವು ಮೋದಿಯವರಿಗೆ ವಿದೇಶದಲ್ಲಿ ಪ್ರಶಂಸೆ, ಕೀರ್ತಿ, ಸನ್ಮಾನಗಳನ್ನೂ ನೀಡಿದ. ಇವೆಲ್ಲವನ್ನೂ ಪಡೆದವರು ಮೋದಿಯೇ ಆದರೂ, ಇದು ಭಾರತ ದೇಶಕ್ಕೆ ಸಿಕ್ಕಿದ ಪುರಸ್ಕಾರ ಎಂದೇ ತಿಳಿಯಬೇಕು. ಯಾಕೆಂದರೆ ಬಲಿಷ್ಟ ನಾಯಕನನ್ನು ಆರಿಸಿ ಕಳುಹಿಸಿದ್ದು ಭಾರತದ ಪ್ರಜೆಗಳಲ್ಲವೇ?

ಈ ಅವಧಿಯಲ್ಲಿ ಏನೇನು ಸಮಸ್ಯೆಗಳಾಯಿತು ಎಂದು ನಾವು ಪ್ರತ್ಯಕ್ಷಾನುಭವದಿಂದ ತಿಳಿದಿದ್ದೇವೆ. ಬಹಳ ಹಿಂದೆಯೇ ಮೋದಿಯವರ ಜಾತಕ ವಿಮರ್ಷೆಯಲ್ಲಿ ಈ ಅವಧಿಯ ತೊಂದರೆಗಳನ್ನು ಹೇಳಿದ್ದೆ. ಈಗ ಶುಕ್ರ ಭುಕ್ತಿ ಪ್ರಾರಂಭವಾಗುತ್ತದೆ. ಶುಕ್ರನಿಂದ ಚತುರ್ಥದಲ್ಲಿ ಕುಜನಿರುವುದು ಕ್ಷೇಮವಲ್ಲ. ಈ ಕುಜನು ಶುಕ್ರನ ಬಲವನ್ನು ಹೀರುತ್ತಾನೆ.(Absorb) ಇದರ ಪರಿಣಾಮ ಕೆಲ ಸರಕಾರಿ Website ಗಳು ಹ್ಯಾಕ್ ಆಗುವ ಸಾಧ್ಯತೆ, ಮೋದಿಯವರ ವಾಹನಕ್ಕೆ ತೊಂದರೆ, ಇತ್ಯಾದಿ ಅಶುಭ ಫಲಗಳಿರುತ್ತದೆ. ಆದರೆ ಮೋದಿಯವರ ರಕ್ಷಾ ಪರಿಜ್ಞಾನದ ಇದಿರು ಅಂದರೆ Defence ಇದೆಲ್ಲ ಗೌಣವೇ ಆಗುತ್ತದೆ. ಈ ಭುಕ್ತಿಕಾಲದಲ್ಲಿ ಪಾಕಿನಿಂದ ಅಸ್ತ್ರ ಪ್ರಯೋಗಗಳಾಗಿ ನಾಗರಿಕರಿಗೆ, ಸೈನ್ಯಕ್ಕೆ ತೊಂದರೆಗಳಾದೀತು. ಇದರ ದುಷ್ಪರಿಣಾಮ ನಮಗೆ ಬಹಳ ಸಣ್ಣ ಪ್ರಮಾಣವಾದರೂ ಪಾಕಿಸ್ಥಾನಕ್ಕೆ ಸಹಿಸಿಕೊಳ್ಳಲಾಗದಂತಹ ತೊಂದರೆಗಳಾಗುವುದು ಖಚಿತ.

ಒಮ್ಮೊಮ್ಮೆ ದಿಢೀರ್ ಪ್ರವಾಹ ಬರುವುದು ಪ್ರಕೃತಿಯ ಗುಣ. ಹಾಗೆಂದು ಜೀವನವೇ ಇಲ್ಲ ಎಂದಾಗಲಾರದು. ಹಾಗೆಯೇ ಈ ಆರ್ಥಿಕ ಸಂಕಷ್ಟಗಳೂ ಮುಂದಿನ ದಿನದ ವಿಶ್ವಗುರು ಆಗುವ ಸೂಚನೆ. ಅಂದರೆ ಸಂಕಷ್ಟ ಪರಿಹಾರವಾಗಿ, ಒಳ್ಳೆಯ Solutions ಸಿಕ್ಕಿಯೇ ಸಿಗುವುದಂತು ನಿಶ್ಚಿತ. ನಾವೆಯನ್ನು ಚಲಾಯಿಸುವವ ಬುದ್ಧಿವಂತನಾದರೆ, ನಾವೆಗೂ ಅಪಾಯವಿಲ್ಲ, ಅದರೊಳಗಿನ ಪ್ರಯಾಣಿಕರಿಗೂ ಅಪಾಯವಿಲ್ಲ.