ಗಮನಿಸಿ! ಜುಲೈ 29ರಿಂದ 31ರವರೆಗೂ ಶಿವಮೊಗ್ಗ ವಿವಿಧ ಕಡೆ ವಿದ್ಯುತ್ ಇರುವುದಿಲ್ಲ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶಿವಮೊಗ್ಗ: ಮಂಗಳೂರು ವಿದ್ಯುತ್ ಸರಬರಾಜು ಕಂಪನಿಯು ನ.ಉ.ವಿ.-01 ವಿದ್ಯುತ್ ವಿತರಣಾ ಕೇಂದ್ರದ ವ್ಯಾಪ್ತಿಯಲ್ಲಿ ಭೂಗತ ಕೇಬಲ್ ಅಳವಡಿಕಾ ಕಾಮಗಾರಿ ಹಮ್ಮಿಕೊಂಡಿರುವುದರಿಂದ ಕೆಳಕಂಡ ದಿನಾಂಕಗಳಂದು ವಿವಿಧ ಪ್ರದೇಶಗಳಲ್ಲಿ ಬೆಳಗ್ಗೆ 10 ರಿಂದ ಸಂಜೆ 05 ಗಂಟೆಯವರೆಗೆ ವಿದ್ಯುತ್ ಸರಬರಾಜು ವ್ಯತ್ಯಯ ಉಂಟಾಗಲಿದೆ.

ಜುಲೈ 29 ರಂದು ಡಾಲರ್ಸ್‌ ಕಾಲೋನಿ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ, ಜುಲೈ 30 ರಂದು ಪವನ ಶ್ರೀ ಬಡಾವಣೆ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಹಾಗೂ ಜುಲೈ 31 ರಂದು ತ್ರಿಮೂರ್ತಿ ನಗರ, ನವುಲೆ, ಸರ್ಜಿ ಕಲ್ಯಾಣ ಮಂಟಪ, ವಿಜಯ ಕರ್ನಾಟಕ ಪ್ರೆಸ್, ನವುಲೆ ಹೊಸೂರು, ಜ್ಯೋತಿನಗರ, ಎನ್‌ಇಎಸ್ ಬಡಾವಣೆ, ಗ್ಯಾಸ್ ಗೋಡೌನ್ ಹತ್ತಿರ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ಸರಬರಾಜು ವ್ಯತ್ಯಯ ಉಂಟಾಗಲಿದ್ದು, ಸಾರ್ವಜನಿಕರು ಸಹಕರಿಸುವಂತೆ ನ.ಉ.ವಿ.1ರ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರು ತಿಳಿಸಿದ್ದಾರೆ.

ಜುಲೈ 29 ರಂದು ಬೆಳಗ್ಗೆ 10 ರಿಂದ ಸಂಜೆ 05 ಗಂಟೆಯವರೆಗೆ ಕುವೆಂಪು ರಸ್ತೆ, ಹೊಸಮನೆ, ಶಿವಶಂಕರ್ ಗ್ಯಾರೇಜ್, ಶರಾವತಿನಗರ ಬಿ.ಬ್ಲಾಕ್ ಮತ್ತು ಹಂದಿಗೊಲ್ಲರ ಕ್ಯಾಂಪ್ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ಸರಬರಾಜು ವ್ಯತ್ಯಯ ಉಂಟಾಗಲಿದೆ.

Get In Touch With Us info@kalpa.news Whatsapp: 9481252093