ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ಬಜರಂಗದಳ ಕಾರ್ಯಕರ್ತ ಹರ್ಷ ಹತ್ಯೆ #Bajarangadal activist Harsha murder ಪ್ರಕರಣ ಹಿನ್ನೆಲೆಯಲ್ಲಿ ಇನ್ನು ಮುಂದೆ ಅಧಿಕ ಸಾಮರ್ಥ್ಯದ ಎಎನ್ಎಫ್ನ ಡ್ರೋನ್ # ANF Drone ಕ್ಯಾಮರಾಗಳು ನಗರದಲ್ಲಿ ಕಾರ್ಯಾಚರಣೆ ನಡೆಸಲು ಸಿದ್ಧವಾಗಿದ್ದು, ಡ್ರೋನ್ ಕ್ಯಾಮೆರಾದ ಪರೀಕ್ಷಾರ್ಥ ಹಾರಾಟ ಹಾಗೂ ಬಳಕೆಯ ವಿಧಾನವನ್ನು ಜಿಲ್ಲಾಧಿಕಾರಿ ಸೆಲ್ವಮಣಿ #DC Selvamani ಪರಿಶೀಲಿಸಿದರು.
ಪೊಲೀಸ್ ಇಲಾಖೆಯ ಕೋರಿಕೆ ಮೇರೆಗೆ ಹತ್ಯೆ ಘಟನೆ ನಂತರದ ಪರಿಸ್ಥಿತಿಯ ಮೇಲೆ ನಿಗಾ ವಹಿಸಲು ಉಡುಪಿಯ ಕಾರ್ಕಳದಿಂದ ಡ್ರೋನ್ ಕ್ಯಾಮೆರಾಗಳನ್ನು ಶಿವಮೊಗ್ಗಕ್ಕೆ ತರಲಾಗಿದ್ದು, ಶಿವಮೊಗ್ಗದ ಬಸ್ ನಿಲ್ದಾಣದ ಅಶೋಕ ವೃತ್ತದಲ್ಲಿ ಪ್ರಾಥಮಿಕ ಹಾರಾಟ ನಡೆಸಲಾಯಿತು. ಜಿಲ್ಲಾಡಳಿತದ ಸೂಚನೆ ಮೇರೆಗೆ ಡ್ರೋನ್ ನಿರ್ವಹಣಾ ತಂಡ ಕಾರ್ಯನಿರ್ವಹಿಸಲಿದೆ.
ಕಾರ್ಕಳ ಸುತ್ತಲಿನ ನಕ್ಸಲ್ ಚಟುವಟಿಕೆಗಳ ನಿಗಾಕ್ಕೆ ಬಳಸಲಾಗುತ್ತಿರುವ ಈ ಡ್ರೋನ್ಗಳು 500 ಮೀಟರ್ ಎತ್ತರದಲ್ಲಿ 5ಕಿಮೀ ವ್ಯಾಪ್ತಿಯಲ್ಲಿ ಕಾರ್ಯಾಚರಣೆ ನಡೆಸುವ ಸಾಮರ್ಥ್ಯವನ್ನು ಹೊಂದಿದೆ. ಕ್ಯಾಮೆರಾ ನಿರ್ವಹಣೆಗೆ ಆಗಮಿಸಿರುವ 5 ಜನರ ತಂಡ ನಗರದ ಸೂಕ್ಷ್ಮ ಪ್ರದೇಶಗಳ ಮೇಲೆ ನಿಗಾ ವಹಿಸಲು 2 ಡ್ರೋನ್ ಕ್ಯಾಮೆರಾಗಳನ್ನು ಬಳಕೆ ಮಾಡಲಾಗುವುದು ಎನ್ನಲಾಗಿದೆ.
ಡೋನ್ ಕಾರ್ಯವೈಖರಿ:
ಉಡುಪಿ-ಕಾರ್ಕಳದಲ್ಲಿರುವ ಎಎನ್ಎಫ್ (ಆಂಟಿ ನ್ಯಾಷನಲ್ ಫೋರ್ಸ್)ನಿಂದ ಈ ಡೋನ್ ತರಲಾಗಿದ್ದು, ನೇತ್ರಾ ವಿ3 ಕ್ಯಾಮರಾ ಇದಾಗಿದೆ. ಕಾಡಿನಲ್ಲಿ ನಕ್ಸಲ್ ಕೂಂಬಿಂಗ್ ನಡೆಸಲು ಹಾಗೂ ಅವರ ಅಡಗು ತಾಣ ಗುರುತಿಸಲು ರಾಜ್ಯ ಸರ್ಕಾರದಿಂದ ಈ ಸೌಲಭ್ಯ ನೀಡಲಾಗಿದೆ ಎಂದು ಎಎನ್ಎಫ್ ಸಿಬ್ಬಂದಿ ಮೇಘುಲಾಲ್ ಚೌಹ್ಹಾಣ್ ತಿಳಿಸಿದ್ದಾರೆ.
Also read: ಸೊರಬ: ಶಾಂತಿ ಕದಡುತ್ತಿರುವ ಸಂಘಟನೆಗಳ ನಿಷೇಧಿಸುವಂತೆ ವಿಹಿಂಪ-ಬಜರಂಗದಳ ಆಗ್ರಹ
ಸುದ್ದಿಗಾರರೊಂದಿಗೆ ಮಾತನಾಡಿರುವ ಅವರು, ಇದು ನಮ್ಮ ಎಎನ್ಎಫ್ಗೆ ಬಂದು 6 ತಿಂಗಳಾಗಿದೆ. ಬ್ಯಾಟರಿಯಿಂದ ಚಾಲಿತವಾಗುವ ಈ ಡ್ರೋನ್ ಸತತ ಒಂದು ಗಂಟೆಗಳ ಕಾಲ 500 ಮೀ ಎತ್ತರದಲ್ಲಿ 5ಕಿಮೀ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸಲಿದೆ. ಬ್ಯಾಟರಿ ಮುಗಿಯುವ ಹಂತದಲ್ಲಿ ಮತ್ತೆ ತನ್ನ ಸ್ವಸ್ಥಾನಕ್ಕೆ ಹಿಂತಿರುಗಲಿದೆ ಎಂದು ಮಾಹಿತಿ ನೀಡಿದ್ದಾರೆ.
ಎಎನ್ಎಫ್ ಸಿಬ್ಬಂದಿಗಳಾದ ಮೇಘುಲಾ ಚೌಹ್ಹಾಣ್ ಮತ್ತು ಮಲ್ಲೇಶ್ ಎರಡು ಡ್ರೋನ್ ಕ್ಯಾಮರಾಗಳನ್ನು ನಿರ್ವಹಿಸಲಿದ್ದು, 5 ಜನರ ತಂಡ ನಗರಕ್ಕೆ ಆಗಮಿಸಿದ್ದಾರೆ ಎನ್ನಲಾಗಿದೆ.
Also read: ಶಾಂತಿ ಸುವ್ಯವಸ್ಥೆ ಕಾಪಾಡಲು ಸೂಕ್ತ ಕಾನೂನು ಕ್ರಮ: ನಳಿನ್ ಕುಮಾರ್ ಕಟೀಲ್
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
