ಶಿವಮೊಗ್ಗದ ಪ್ರತಿಷ್ಠಿತ ರಾಜಾರಾಮ್ ಬುಕ್ ಹೌಸ್ ಮಾಲೀಕ ಮಂಜುನಾಥ್ ವಿಧಿವಶ

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ನಗರದ ಪ್ರತಿಷ್ಠಿತ ರಾಜಾರಾಮ್ ಬುಕ್ ಹೌಸ್ ಮಾಲೀಕ ಮಂಜುನಾಥ್ ಕಶ್ಯಪ್(58) ಅವರು ಇಂದು ವಿಧಿವಶರಾಗಿದ್ದರೆ.

ಶಿವಮೊಗ್ಗ ಇತಿಹಾಸದಲ್ಲಿ ಪುಸ್ತಕ ಅಂಗಡಿಯ ಮೂಲಕ ದೊಡ್ಡ ಸಾಧನೆ ಮಾಡಿದ ಕೀರ್ತಿ ರಾಜಾರಾಮ್ ಬುಕ್ ಹೌಸ್’ನದ್ದಾಗಿದ್ದು, ಮಂಜುನಾಥ್ ಇದರ ರುವಾರಿಗಳು.
ಪುಸ್ತಕ ಅಂಗಡಿ ಸಾಧನೆ ಮಾತ್ರವಲ್ಲದೆ, ಸಂಗೀತ ಹಾಗೂ ಗಾಯನದಲ್ಲೂ ಇವರ ಸಾಧನೆ ಅಪಾರವಾಗಿದ್ದು, ಇವರನ್ನು ಮಲೆನಾಡ ಕೋಗಿಲೆ ಎಂತಲೇ ಕರೆಯಲಾಗುತ್ತದೆ. ಜ್ಯೋತಿಷ್ಯ ಹಾಗೂ ಅಧ್ಯಾತ್ಮದಲ್ಲೂ ಸಹ ಮಂಜುನಾಥ್ ಸಾಧನೆಯ ಶಿಖರವೇರಿದ್ದರು.

ಇವರು ಅನೇಕ ಪ್ರಶಸ್ತಿ ಬಿರುದು ಸನ್ಮಾನಗಳನ್ನು ಪಡೆದಿದ್ದು, ಅತ್ಯಂತ ಸರಳ ವ್ಯಕ್ತಿತ್ವದ ಸಮಾಜಮುಖಿ ಹೃದಯವಂತರಾಗಿದ್ದರು.

ಇಂದು ಮಧ್ಯಾಹ್ನ 12 ಗಂಟೆಯವರೆಗೆ ಬಸವನಗುಡಿಯಲ್ಲಿರುವ ಅವರ ಸ್ವಗೃಹದಲ್ಲಿ ಪಾರ್ಥಿವ ಶರೀರ ದರ್ಶನಕ್ಕೆ ಅವಕಾಶ ಇದೆ ಎಂದು ತಿಳಿದು ಬಂದಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news