ಉದ್ಯೋಗ ಹುಡುಕುತ್ತಿದ್ದೀರಾ? ಹಾಗಾದರೆ ಶಿವಮೊಗ್ಗದಲ್ಲಿ ನಡೆಯುವ ಈ ಮೇಳದಲ್ಲಿ ತಪ್ಪದೇ ಪಾಲ್ಗೊಳ್ಳಿ

ಕಲ್ಪ ಮೀಡಿಯಾ ಹೌಸ್   |  ಶಿವಮೊಗ್ಗ  |

ಶಿವಮೊಗ್ಗ: ಉದ್ಯೋಗಾಕಾಂಕ್ಷಿಗಳಿಗಾಗಿ ನಗರದಲ್ಲಿ ಫೆ.4ರಂದು ಬೃಹತ್ ಉದ್ಯೋಗ ಮೇಳವನ್ನು ಆಯೋಜಿಸಲಾಗಿದ್ದು, ಆಸಕ್ತ ಅರ್ಹರು ಇದರ ಪ್ರಯೋಜನವನ್ನು ಪಡೆದುಕೊಳ್ಳಬೇಕು ಎಂದು ಕುವೆಂಪು ವಿವಿ ಕುಲಪತಿ ಪ್ರೊ.ಬಿ.ಪಿ. ವೀರಭದ್ರಪ್ಪ ತಿಳಿಸಿದ್ದಾರೆ.

ಈ ಕುರಿತಂತೆ ಮಾತನಾಡಿದ ಅವರು, ಕುವೆಂಪು ವಿಶ್ವವಿದ್ಯಾಲಯ, ಬೆಂಗಳೂರಿನ ಗೆಟ್ ಲೆಕ್ಟ್ ಯುನಿಕ್ಲಬ್ ಸಹಯೋಗದಲ್ಲಿ ಸಹ್ಯಾದ್ರಿ ಕಾಲೇಜಿನಲ್ಲಿ ಮೇಳೆ ನಡೆಯಲಿದ್ದು, ಇದರಲ್ಲಿ ದೇಶ ಹಾಗೂ ರಾಜ್ಯದ 40ಕ್ಕೂ ಹೆಚ್ಚು ಪ್ರತಿಷ್ಠಿತ ಕಂಪೆನಿಗಳು ಪಾಲ್ಗೊಳ್ಳಲಿವೆ. ಫೆ.4ರಂದು ಬೆಳಗ್ಗೆ 9 ಗಂಟೆಯಿAದ ಸಂಜೆ 4 ಗಂಟೆಯವರೆಗೂ ಉದ್ಯೋಗ ಮೇಳ ನಡೆಯಲಿದ್ದು, 10 ಸಾವಿರಕ್ಕೂ ಅಧಿಕ ಆಕಾಂಕ್ಷಿಗಳ ಪಾಲ್ಗೊಳ್ಳುವ ನಿರೀಕ್ಷೆಯಿದೆ ಎಂದು ತಿಳಿಸಿದರು.
40ಕ್ಕೂ ಹೆಚ್ಚು ಪ್ರತಿಷ್ಠಿತ ಕಂಪೆನಿಗಳು ಭಾಗಿ
ಈ ಬೃಹತ್ ಉದ್ಯೋಗ ಮೇಳದಲ್ಲಿ ಬೆಂಗಳೂರು ಅಂತಾರಾಷ್ಟಿçÃಯ ವಿಮಾನ ನಿಲ್ದಾಣ, ಫ್ಲಿಕ್ ಕಾರ್ಟ್, ಇನ್ಫೋಸಿಸ್, ಆಕ್ಸೆಂಚರ್, ಕಾನ್ಸೆಟಿಕ್ಸ್, ಆಲ್ ಟ್ರೂಯಿಸ್ಟ್ ಟೆಕ್ನಾಲಜೀಸ್, ಎಸ್’ಬಿಐ ಬ್ಯಾಂಕ್, ಎಚ್’ಎಸ್’ಬಿಸಿ, ಎಚ್’ಎಎಲ್ ಟೆಕ್, ಮುತ್ತೂಟ್ ಫೈನಾನ್ಸ್, ನೋ ಬ್ರೋಕರ್, ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್, ಮೆಡ್ ಪ್ಲಸ್, ಅಪೋಲೋ ಫಾರ್ಮಾ, ಎಚ್’ಜಿಎಸ್, ಎಚ್’ಡಿಎಫ್’ಸಿ, ಆಂಪಲ್ ಟೆಕ್ನೊಲಾಜಿಸ್, ಟೌರಸ್ ಸರ್ವಿಸ್, ಜೆಟ್ ಕಿಂಗ್, ಸ್ಪಂದನಾ ಸ್ಫೂರ್ತಿ ಫೈನಾನ್ಸ್ ಲಿಮಿಟೆಡ್, ಎಕ್ಸ್ ಪರ್ಟ್ ಕಾಲರ್ಸ್, ಬೈಜೂಸ್, ಯಸ್ ಬ್ಯಾಂಕ್, ಲೆನ್ಸ್ ಕಾರ್ಟ್, ನಂದಿ ಟೊಯೋಟಾ, ಕೀ ಟು ಏರ್, ಕೋಟಕ್ ಮಹೇಂದ್ರ, ಎಲ್ ಅಂಡ್ ಟಿ ಫೈನಾನ್ಸ್ ಸೇರಿದಂತೆ ಹಲವು ಕಂಪನಿಗಳು ಪಾಲ್ಗೊಳ್ಳಲಿವೆ.

ಇವರೆಲ್ಲಾ ಪಾಲ್ಗೊಳ್ಳಬಹುದು!
ಎಸ್’ಎಸ್’ಎಲ್’ಸಿ, ಪಿಯುಸಿ, ಬಿಎ, ಬಿಕಾಂ, ಬಿಎಸ್ಸಿ, ಬಿಬಿಎ, ಎಂಬಿಎ, ಬಿಸಿಎ, ಎಂಸಿಎ, ಡಿಪ್ಲೊಮಾ, ಐಟಿಐ, ಕಂಪ್ಯೂಟರ್ ಕೋರ್ಸ್ ಮಾಡಿರುವ ಆಕಾಂಕ್ಷಿಗಳು ಪಾಲ್ಗೊಳ್ಳಬಹುದು.
ಎಂಎಲ್’ಸಿ ಅರುಣ್ ಹೇಳಿದ್ದೇನು?
ಇನ್ನು, ಈ ಕುರಿತಂತೆ ಮಾತನಾಡಿರುವ ಎಂಎಲ್’ಸಿ ಡಿ.ಎಸ್. ಅರುಣ್, ಈ ಉದ್ಯೋಗ ಮೇಳದಲ್ಲಿ ಸುಮಾರು 4500 ಬಗೆಯ ಹುದ್ದೆಗಳಿಗೆ ಸೇರಲು ಅವಕಾಶವಿದ್ದು, ಸಂದರ್ಶನ ನಡೆಯಲಿದೆ. ಬಹಳಷ್ಟು ಅನುಭವ ಹೊಂದಿರುವ ಬೆಂಗಳೂರಿನ ಪ್ರತಿಷ್ಠಿತ ಗೆಟ್ ಲೆಕ್ಟ್ ಸಂಸ್ಥೆಯವರು ಕೈ ಜೋಡಿಸಿರುವ ಈ ಮೇಳದಲ್ಲಿ ಯುವಕರು ಪಾಲ್ಗೊಂಡು ಅವಕಾಶವನ್ನು ಸದುಪಯೋಗ ಮಾಡಿಕೊಳ್ಳಬೇಕು ಎಂದು ಕೋರಿದರು.

ಇಲ್ಲಿದೆ ರಿಜಿಸ್ಟರ್ ಲಿಂಕ್
ಈ ಉದ್ಯೋಗ ಮೇಳದಲ್ಲಿ ಪಾಲ್ಗೊಳ್ಳುವ ಆಸಕ್ತರು ರಿಜಿಸ್ಟರ್ ಮಾಡಿಕೊಳ್ಳಬೇಕಿದ್ದು, ಇದಕ್ಕಾಗಿ ಈ ಕೆಳಗೆ ನೀಡಲಾಗಿರುವ ಲಿಂಕ್ ಕ್ಲಿಕ್ ಮಾಡಿ ಮಾಹಿತಿ ತುಂಬಿಸಿ…

https://docs.google.com/forms/d/e/1FAIpQLScQSMH6DaKciM9JZn_bYzyGzN901m1H2_cKlS_2MJ58DFxRSA/viewform?vc=0&c=0&w=1&flr=0

ಆಲ್ ದಿ ಬೆಸ್ಟ್!

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news