ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು/ಶಿವಮೊಗ್ಗ |
ಮೈಸೂರು, ತಾಳಗುಪ್ಪ ಹಾಗೂ ಯಶವಂತಪುರ-ಚಿಕ್ಕಮಗಳೂರು #Chikkamagaluru ಸೇರಿ ಹಲವು ರೈಲುಗಳ ಕುರಿತಾಗಿ ರೈಲ್ವೆ ಇಲಾಖೆ ಮಹತ್ವದ ಮಾಹಿತಿಯನ್ನು ಪ್ರಕಟಿಸಿದೆ.
ಈ ಕುರಿತಂತೆ ನೈಋತ್ಯ ರೈಲ್ವೆ #SouthWesternRailway ಮಾಹಿತಿ ಪ್ರಕಟಿಸಿದ್ದು, ಮೈಸೂರು #Mysore ಹಾಗೂ ಬೆಂಗಳೂರಿನಿಂದ ಹೊರಡುವ ಹಲವು ರೈಲುಗಳ ಕುರಿತಾಗಿ ಮಾಹಿತಿ ಪ್ರಕಟಿಸಿದೆ.
Also Read>> ಅಹಮದಾಬಾದ್ ವಿಮಾನ ದುರಂತ | Mayday ಎಚ್ಚರಿಕೆ ನೀಡಿ ಮೌನವಾದ ಪೈಲಟ್
ನೈಋತ್ಯ ರೈಲ್ವೆಯು ಆಯಾ ನಿಲ್ದಾಣಗಳಲ್ಲಿ ಈ ಕೆಳಗಿನ ರೈಲುಗಳಿಗೆ ತಾತ್ಕಾಲಿಕ ನಿಲುಗಡೆಗಳನ್ನು ಆರು ತಿಂಗಳ ಅವಧಿಗೆ ವಿಸ್ತರಿಸಿದೆ. ಪ್ರಾಯೋಗಿಕ ಆಧಾರದ ಮೇಲೆ ಮೊದಲು ಪರಿಚಯಿಸಲಾಗಿದ್ದ ಈ ನಿಲುಗಡೆಗಳು ಈಗ ಜುಲೈ 1, 2025 ರಿಂದ ಡಿಸೆಂಬರ್ 31, 2025 ರವರೆಗೆ ಜಾರಿಯಲ್ಲಿರುತ್ತವೆ. ಮುಂದುವರಿದ ತಾತ್ಕಾಲಿಕ ನಿಲುಗಡೆಗಳ ವಿವರಗಳು ಈ ಕೆಳಗಿನಂತಿವೆ:
1. 16595/16596 ಸಂಖ್ಯೆಯ ಬೆಂಗಳೂರು-ಕಾರವಾರ-ಬೆಂಗಳೂರು-ಪಂಚಗಂಗಾ ಡೈಲಿ ಎಕ್ಸ್’ಪ್ರೆಸ್ ರೈಲಿನ ನಿಲುಗಡೆಯಲ್ಲಿ ಕುಣಿಗಲ್ ನಿಲ್ದಾಣದಲ್ಲಿ ಮುಂದುವರೆಸಲಾಗಿದೆ.
2. 16239/16240 ಸಂಖ್ಯೆಯ ಚಿಕ್ಕಮಗಳೂರು-ಯಶವಂತಪುರ-ಚಿಕ್ಕಮಗಳೂರು ಡೈಲಿ ಎಕ್ಸ್’ಪ್ರೆಸ್ ರೈಲಿನ ನಿಲುಗಡೆಯನ್ನು ಸಂಪಿಗೆ ರೋಡ್ #SampigeRoad ನಿಲ್ದಾಣದಲ್ಲಿ ಮುಂದುವರೆಸಲಾಗಿದೆ.
3. 16228 ಸಂಖ್ಯೆಯ ತಾಳಗುಪ್ಪ – ಮೈಸೂರು ಡೈಲಿ ಎಕ್ಸ್’ಪ್ರೆಸ್ ರೈಲಿನ ನಿಲುಗಡೆಯನ್ನು ಮಲ್ಲೇಶ್ವರಂ ನಿಲ್ದಾಣದಲ್ಲಿ ಮುಂದುವರೆಸಲಾಗುತ್ತಿದೆ.
4. 16315/16316 ಸಂಖ್ಯೆಯ ಮೈಸೂರು-ತಿರುವನಂತಪುರಂ ಉತ್ತರ-ಮೈಸೂರು ಡೈಲಿ ಎಕ್ಸ್’ಪ್ರೆಸ್ ಮದ್ದೂರಿನಲ್ಲಿ ನಿಲುಗಡೆ ಮುಂದುವರೆಯುತ್ತದೆ.
5. 66587/66588 ಸಂಖ್ಯೆಯ ಬೆಂಗಳೂರು ಕಂಟೋನ್ಮೆೆಂಟ್-ಕೋಲಾರ-ಬೆಂಗಳೂರು ಕಂಟೋನ್ಮೆೆಂಟ್ ಮೆಮು, 66511/66512 ಸಂಖ್ಯೆಯ ಮಾರಿಕುಪ್ಪಂ-ಕೆಎಸ್’ಆರ್ ಬೆಂಗಳೂರು-ಮಾರಿಕುಪ್ಪಂ ಮೆಮು, 66534 ಸಂಖ್ಯೆಯ ಕೃಷ್ಣರಾಜಪುರಂ-ಕುಪ್ಪಂ ಮೆಮು ಮತ್ತು 66529 ಸಂಖ್ಯೆಯ ಕುಪ್ಪಂ- ಕೆಎಸ್’ಆರ್ ಬೆಂಗಳೂರು ಮೆಮು ರೈಲುಗಳು ಮರಳಿಹಳ್ಳಿ ನಿಲ್ದಾಣದಲ್ಲಿ ನಿಲುಗಡೆಯನ್ನು ಮುಂದುವರೆಸಲಿವೆ.
6. 66553 ಸಂಖ್ಯೆಯ ಕೆಎಸ್’ಆರ್ ಬೆಂಗಳೂರು-ಅಶೋಕಪುರಂ ಮೆಮು ರೈಲು ಕೃಷ್ಣದೇವರಾಯ ಹಾಲ್ಟ್’ನಲ್ಲಿ ನಿಲುಗಡೆಯನ್ನು ಮುಂದುವರೆಸುತ್ತದೆ.
7. 66519/66520 ಸಂಖ್ಯೆಯ ಮಾರಿಕುಪ್ಪಂ-ಕೆಎಸ್’ಆರ್ ಬೆಂಗಳೂರು-ಮಾರಿಕುಪ್ಪಂ ಮೆಮು ದೇವಂಗೊಂತಿಯಲ್ಲಿ ನಿಲುಗಡೆಯನ್ನು ಮುಂದುವರೆಸಲಿದೆ.
8. 16521 ಸಂಖ್ಯೆಯ ಬಂಗಾರಪೇಟೆ-ಕೆಎಸ್’ಆರ್ ಬೆಂಗಳೂರು ಮೆಮು ಕೂಡ ದೇವಂಗೊಂತಿಯಲ್ಲಿ ನಿಲುಗಡೆಯಾಗಲಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
