ಕಲ್ಪ ಮೀಡಿಯಾ ಹೌಸ್ | ಚಳ್ಳಕೆರೆ(ಚಿತ್ರದುರ್ಗ) |
ಇಲ್ಲಿನ ಕುದಾಪುರದಲ್ಲಿರುವ ಏರೋನಾಟಿಕಲ್ ಟೆಸ್ಟ್ ರೇಂಜ್’ನಲ್ಲಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ(ಇಸ್ರೋ) #ISRO ಹಾಗೂ ಡಿಆರ್’ಡಿಒ #DRDO ಜಂಟಿಯಾಗಿ ನಡೆಸಿದ ಐತಿಹಾಸಿಕ ಆರ್’ಎಲ್’ವಿ-ಎಲ್’ಇಎಕ್ಸ್ #RLVLEX ಪ್ರಯೋಗ ಯಶಸ್ವಿಯಾಗಿದ್ದು, ಇಡಿಯ ದೇಶವೇ ಹೆಮ್ಮೆ ಪಡುವಂತಹ ಐತಿಹಾಸಿಕ ಕ್ಷಣಗಳಿಗೆ ಸಾಕ್ಷಿಯಾಗಿದೆ.
ಅಭಿವೃದ್ಧಿ ಹಂತದಲ್ಲಿರುವ ಮರುಬಳಕೆ ಮಾಡಬಹುದಾದ ಉಡಾವಣಾ ವಾಹನ (ಆರ್’ಎಲ್’ವಿ) ಲ್ಯಾಂಡಿಂಗ್ ಪ್ರದರ್ಶನವನ್ನು ಇಂದು ಮುಂಜಾನೆ ಯಶಸ್ವಿಯಾಗಿ ನಡೆಸಿದ್ದು, ಇಸ್ರೊ ಸಂಸ್ಥೆ ಡಿಆರ್’ಡಿಒ ಮತ್ತು ಭಾರತೀಯ ವಾಯುಪಡೆಯ ಜೊತೆಗೆ ಸೇರಿ ಈ ಕಾರ್ಯಾಚರಣೆ ನಡೆಸಲಾಗಿದೆ.
RLV’s autonomous approach and landing pic.twitter.com/D4tDmk5VN5
— ISRO (@isro) April 2, 2023
ಹೇಗೆ ನಡೆಯಿತು ಪ್ರಯೋಗ?
ಭಾರತೀಯ ವಾಯುಪಡೆಯ #IndianAirForce ಚಿನೂಕ್ ಹೆಲಿಕಾಪ್ಟರ್ ಮೂಲಕ ಬಾಹ್ಯಾಕಾಶ ನೌಕೆಯು ಇಂದು ನಸುಕಿನ ಜಾವದಲ್ಲಿ ಹಾರಾಟ ನಡೆಸಲಾಗಿದ್ದು, ಹೆವಿ-ಲಿಫ್ಟ್ ಚಾಪರ್’ನಲ್ಲಿ ಮೇಲ್ಮೈನಿಂದ 4.5 ಕಿಮೀ ಎತ್ತರಕ್ಕೆ ಅಂಡರ್’ಸ್ಮಂಗ್ ತೂಕವಾಗಿ ಉಡಾವಣೆ ಮಾಡಲಾಯಿತು.
ಒಮ್ಮೆ ಅದು ಪರೀಕ್ಷಾ ಎತ್ತರವನ್ನು ತಲುಪಿದಾಗ, ಆರ್’ಎಲ್’ವಿ ಮಿಷನ್ ಮ್ಯಾನೇಜ್’ಮೆಂಟ್ ಕಂಪ್ಯೂಟರ್ ಸಂಜ್ಞೆಯನ್ನು ಆಧರಿಸಿ, ಆರ್’ಎಲ್’ವಿಯನ್ನು ಗಾಳಿಯಲ್ಲಿ ಬಿಡುಗಡೆ ಮಾಡಲಾಯಿತು.
ಇನ್ನು, ಈ ಕುರಿತಂತೆ ಇಸ್ರೋ ಮಾಹಿತಿ ಪ್ರಕಟಿಸಿದ್ದು, ಆರ್’ಎಲ್’ವಿ ನಂತರ ಇಂಟಿಗ್ರೇಟೆಡ್ ನ್ಯಾವಿಗೇಷನ್, ಮಾರ್ಗದರ್ಶನ ಮತ್ತು ನಿಯಂತ್ರಣ ವ್ಯವಸ್ಥೆಯನ್ನು ಬಳಸಿಕೊಂಡು ವಿಧಾನ ಮತ್ತು ಲ್ಯಾಂಡಿಂಗ್ ತಂತ್ರಗಳನ್ನು ನಿರ್ವಹಿಸಲಾಗಿದೆ. ಎಟಿಆರ್ ಏರ್ ಸ್ಟಿçಪ್’ನಲ್ಲಿ ಸ್ವಾಯತ್ತ ಲ್ಯಾಂಡಿಂಗ್ ಅನ್ನು ಪೂರ್ಣಗೊಳಿಸಿದೆ ಎಂದಿದೆ.
ವಿಶ್ವದಲ್ಲೇ ಮೊದಲ ಯಶಸ್ವಿ ಪ್ರಯೋಗ
ಇನ್ನು, ಹೆಲಿಕಾಪ್ಟರ್ ಮೂಲಕ 4.5 ಕಿಮೀ ಎತ್ತರಕ್ಕೆ ಸಾಗಿಸಿ ರನ್’ವೇಯಲ್ಲಿ ಸ್ವಯಂ ಲ್ಯಾಂಡಿಂಗ್ ಮಾಡಲು ಬಿಡುಗಡೆ ಮಾಡಿರುವುದು ವಿಶ್ವದಲ್ಲಿ ಇದೇ ಮೊದಲು ಎಂದು ಇಸ್ರೋ ಹೇಳಿದ್ದು, ಈ ಮೂಲಕ ಐತಿಹಾಸಿಕ ದಾಖಲೆ ಬರೆದಿದೆ.
Reaching for the stars, together with @isro
The IAF’s trial team which participated in today’s successful Reusable Launch Vehicle Autonomous Landing Mission (RLV LEX) at Chitradurga was headed by an #IAF woman officer who is a Flight Test Engineer at ASTE.#NaariShakti@IAFTPS pic.twitter.com/WE7cDrvI2M
— Indian Air Force (@IAF_MCC) April 2, 2023
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
