ಕಲ್ಪ ಮೀಡಿಯಾ ಹೌಸ್
ಶಿವಮೊಗ್ಗ: ಕೊರೋನಾ ಪಾಸಿಟಿವಿಟಿ ರೇಟ್ ಹೆಚ್ಚಾಗಿರುವ ಶಿವಮೊಗ್ಗ ಹಾಗೂ ಭದ್ರಾವತಿ ತಾಲೂಕು ಹೊರತುಪಡಿಸಿ ಜಿಲ್ಲೆಯ ಉಳಿದಕಡೆ ವ್ಯಾಪಾರ ವಹಿವಾಟುಗಳಿಗೆ ರಿಯಾಯಿತಿ ನೀಡಲಾಗಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಸ್. ಈಶ್ವರಪ್ಪ ಹೇಳಿದ್ದಾರೆ.
ರಾಜ್ಯದ 16 ಜಿಲ್ಲೆಗಳಲ್ಲಿ ಅನ್ಲಾಕ್ 2 ಘೋಷಣೆಯಾದ ಬೆನ್ನಲ್ಲೆ ಜಿಲ್ಲಾಡಳಿತ ಶಿವಮೊಗ್ಗಕ್ಕೆ ಸಂಬಂಧಿಸಿದಂತೆ ಈ ನಿರ್ಧಾರ ಕೈಗೊಂಡಿದ್ದು, 16 ಜಿಲ್ಲೆಗಳಿಗೆ ಅನ್ವಯವಾಗುವ ನಿಯಮಾವಳಿಗಳೇ ಶಿವಮೊಗ್ಗ, ಭದ್ರಾವತಿ ಹೊರತುಪಡಿಸಿ ಉಳೀದ ತಾಲೂಕುಗಳಿಗೆ ಅನ್ವಯವಾಗುತ್ತದೆ.
ಶಿವಮೊಗ್ಗ-ಭದ್ರಾವತಿ ಪರಿಸ್ಥಿತಿ ಏನು?
ಕೊರೋನಾ ಪಾಸಿಟಿವ್ ಪ್ರಕರಣಗಳು ಹೆಚ್ಚಾಗಿ ಕಂಡುಬರುತ್ತಿರುವ ಶಿವಮೊಗ್ಗ ಹಾಗೂ ಭದ್ರಾವತಿ ತಾಲೂಕಿನಲ್ಲಿ ಬಿಗಿ ನಿಯಮ ಮುಂದುವರೆಯಲಿದ್ದು, ವ್ಯಾಪಾರ-ವಹಿವಾಟುಗಳಿಗೆ ಸಮಯವನ್ನು ನಿಗಧಿಪಡಿಸಲಾಗಿದ್ದು, ಬೆಳಗ್ಗೆ 6ರಿಂದ ಮಧ್ಯಾಹ್ನ 12ಗಂಟೆವರೆಗೆ ಅವಕಾಶ ಕಲ್ಪಿಸಲಾಗಿದೆ. ಇನ್ನುಳಿದಂತೆ ಎರಡೂ ತಾಲೂಕುಗಳಲ್ಲಿ ಬಹುತೇಕ ಈಗಿರುವ ನಿಯಮಾವಳಿಗಳೇ ಮುಂದುವರೆಯಲಿವೆ ಎಂದರು.
ನಿಗದಿಪಡಿಸಿರುವ ಅವಧಿಯಲ್ಲಿ ಯಾವುದೇ ವ್ಯಾಪಾರ-ವಹಿವಾಟುಗಳನ್ನು ನಡೆಸುವವರು ಜನರು ಗುಂಪು ಸೇರದಂತೆ ನೋಡಿಕೊಂಡು ವ್ಯವಹಾರ ನಡೆಸಬೇಕು. ಒಂದು ವೇಳೆ ಗುಂಪು ಸೇರಿದ್ದು ಕಂಡುಬಂದರೆ ಅದಕ್ಕೆ ಅಂಗಡಿ ಮಾಲೀಕರೆ ಹೊಣೆಯಾಗುತ್ತಾರೆ. ಅಲ್ಲದೆ ಅಂತಹ ಅಂಗಡಿಯನ್ನು ಸೀಜ್ಮಾಡಿ ಪ್ರಕರಣ ದಾಖಲಿಸಲಾಗುತ್ತದೆ. ಈ ವಿಚಾರದಲ್ಲಿ ಪೊಲೀಸ್ ಇಲಾಖೆಗೆ ಸ್ವಾತಂತ್ರ್ಯ ನೀಡಲಾಗಿದೆ ಎಂದರು.
ರಾಜ್ಯ ಸರ್ಕಾರ 16 ಜಿಲ್ಲೆಗಳಿಗೆ ಮಾತ್ರ ಅನ್ಲಾಕ್ 2 ಘೋಷಿಸಿದ್ದು, ಉಳಿದ 13 ಜಿಲ್ಲೆಗಳಲ್ಲಿ ನಿರ್ಬಂಧ ಮುಂದುವರೆದಿದೆ. ಈ 13 ಜಿಲ್ಲೆಗಳಲ್ಲಿ ಶಿವಮೊಗ್ಗವೂ ಸೇರಿದ್ದರೂ ಜಿಲ್ಲೆಯಲ್ಲಿ ಒಟ್ಟಾರೆಯಾಗಿ ಸೋಂಕು ಪ್ರಮಾಣ ಇಳಿಕೆಯಾಗುತ್ತಿರುವ ಕಾರಣ ರಾಜ್ಯ ಸರ್ಕಾರದ ಆದೇಶವನ್ನು ಮೀರಿ ಜಿಲ್ಲಾಧಿಕಾರಿಗಳ ಅಧಿಕಾರ ಬಳಸಿ ಈ ವಿನಾಯಿತಿಗಳನ್ನು ನೀಡಲಾಗುತ್ತಿದೆ. ಇದನ್ನು ವ್ಯಾಪಾರಸ್ಥರು ಹಾಗೂ ಸಾರ್ವಜನಿಕರು ಗಮನದಲ್ಲಿಟ್ಟುಕೊಂಡು ನಿಯಮಾವಳಿಗಳನ್ನು ಪಾಲಿಸುವ ಮೂಲಕ ಸೋಂಕು ಹೋಗಲಾಡಿಸಲು ಸಹಕರಿಸಲೇಬೇಕು. ಈ ನಿಯಮಾವಳಿಗಳು ಜುಲೈ 5ರವರೆಗೆ ಜಾರಿಯಲ್ಲಿರಲಿವೆ. ಒಂದು ವೇಳೆ ಅಷ್ಟರೊಳಗಾಗಿ ಸೋಂಕು ಸಂಪೂರ್ಣ ಕಡಿಮೆಯಾದರೆ ಇನ್ನಷ್ಟು ವಿನಾಯಿತಿಗಳನ್ನು ನೀಡುವ ಬಗ್ಗೆ ಯೋಚಿಸುತ್ತೇವೆ.
ಯಾವುದಕ್ಕೆ ಅವಕಾಶ, ಯಾವುದಕ್ಕೆ ನಿರ್ಬಂಧ
ದಿನಸಿ ಅಂಗಡಿಗಳು: 6ರಿಂದ 12
ಛಾಯಾಗ್ರಾಹಕರ ವೃತ್ತಿ ಅಥವಾ ಸ್ಟುಡಿಯೋ: 10ರಿಂದ2
ಸಿಮೆಂಟ್ ಹಾಗೂ ಸ್ಟೀಲ್: 10ರಿಂದ2
ಗಾಂಧಿಬಜಾರ್ ವ್ಯಾಪಾರ-ವ್ಯವಹಾರ 6ರಿಂದ 12
ಫುಟ್ಪಾತ್ ವ್ಯಾಪಾರಿಗಳಿಗೆ: ತಿಂಡಿ ಹೊರತುಪಡಿಸಿ ಉಳಿದ ವ್ಯಾಪಾರಕ್ಕೆ ಅವಕಾಶ
ಟೈಲರಿಂಗ್: ಬಟ್ಟೆ ಹೊಲಿಯುವುದಕ್ಕೆ ಮಾತ್ರ ಅವಕಾಶ
ಗಿರವಿ ವರ್ತಕರಿಗೆ ಅವಕಾಶ: ಮಾರಾಟ ಮಾಡುವ ಹಾಗಿಲ್ಲ (6ರಿಂದ 12)
ಹಾರ್ಡ್ವೇರ್ ಅಂಗಡಿಗಳು ಮಧ್ಯಾಹ್ನ 2ರವರೆಗೆ ಅವಕಾಶ
ಕಲ್ಯಾಣ ಮಂದಿರ ಹಾಗೂ ಸಮುದಾಯ ಭವನಗಳಿಗೆ ಅವಕಾಶವಿಲ್ಲ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
Discussion about this post