ಹಿಲರಿ-ಟ್ರಂಪ್ ಮುಖಾಮುಖಿ: ಹಿಲರಿ ಪರ ಹೆಚ್ಚು ಮತ

ಹ್ಯಾಮ್ಸ್ಟೆಡ್, ಸೆ.27: ಅಮೆರಿಕ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುವುದಕ್ಕೂ ಮುನ್ನ ನಡೆದ ಅಧ್ಯಕ್ಷೀಯ ಚರ್ಚೆಯಲ್ಲಿ ಮೊದಲ ಮುಖಾಮುಖಿಯಲ್ಲಿ ಡೆಮೊಕ್ರಾಟಿಕ್ ಪಕ್ಷದ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ವಿಜೇತರಾಗಿದ್ದಾರೆ.

ಚರ್ಚೆ ಮತ ವೀಕ್ಷಕರು ಹಿಲರಿ ಪರ ಶೇಕಡ 62ರಷ್ಟು ಮತಗಳನ್ನು ಚಲಾಯಿಸಿದ್ದರೆ, ರಿಪಬ್ಲಿಕ್ ಪಕ್ಷದ ಅಧ್ಯಕ್ಷ ಹುದ್ದೆ ಆಕಾಂಕ್ಷಿ ಡೊನಾಲ್ಡ್ ಟ್ರಂಪ್ ಗೆ ಶೇ.27ರಷ್ಟು ಮತಗಳು ಬಿದ್ದಿವೆ ಎಂದು ಸಿಎನ್ಎನ್/ಓಆರ್ ಸಿ ಪೋಲ್ ಹೇಳಿದೆ

ಅಮೆರಿಕಾ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುವುದಕ್ಕೂ ಮುನ್ನ ಇಂದು ನ್ಯೂಯಾರ್ಕ್ ನಗರ ಹ್ಯಾಮ್ಸ್ಟೆಡ್ನ ಹೊಫ್ಸ್ಟ್ರಾ ಯೂನಿವರ್ಸಿಟಿಯಲ್ಲಿ ನಡೆದ ಮುಖಾಮುಖಿ ಚರ್ಚೆಯಲ್ಲಿ ಈ ಇಬ್ಬರು ನಾಯಕರು ದೇಶದ ಆರ್ಥಿಕ ಸ್ಥಿತಿಗತಿಗಳ ಸುಧಾರಣೆ ಮತ್ತು ಉದ್ಯೋಗ ಸೃಷ್ಟಿ ವಿಷಯಗಳನ್ನು ಪ್ರಮುಖವಾಗಿ ಪ್ರಸ್ತಾಪಿಸಿದರು.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಕಾಲಗಣನೆ ಆರಂಭವಾಗುತ್ತಿದ್ದಂತೆ ಇವರಿಬ್ಬರ ನಡುವೆ ಸ್ಪರ್ಧೆಯ ಕಾವು ಕೂಡ ಏರತೊಡಗಿದೆ. ಅಮರಿಕ ರಾಜಕೀಯ ಇತಿಹಾಸದಲ್ಲೇ ಅತ್ಯಧಿಕ ಸಂಖ್ಯೆಯ ಜನರು ವೀಕ್ಷಿಸಿದ ಮತ್ತು ಬಹು ನಿರೀಕ್ಷಿತ ಚರ್ಚಾವೇದಿಕೆ ಎಂಬ ಹೆಗ್ಗಳಿಕೆಗೂ ಇದು ಪಾತ್ರವಾಗಿದೆ.

ಮುಖಾಮುಖಿ ಚರ್ಚೆ ಪ್ರಮುಖಾಂಶಗಳು:

ಆರ್ಥಿಕ ಸ್ಥಿತಿ ಸುಧಾರಣೆ, ಉದ್ಯೋಗ ಸೃಷ್ಟಿ, ಹೊಸ ಕಾರ್ಯಕ್ರಮಗಳ ಭರವಸೆ ಜೊತೆಗೆ ಪರಸ್ಪರ ವಾದ-ಇವು ಡೆಮೊಕ್ರಾಟಿಕ್ ಪಕ್ಷದ ಅಮೆರಿಕ ಅಧ್ಯಕ್ಷೀಯ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ಮತ್ತು ರಿಪಬ್ಲಿಕ್ ಪಕ್ಷದ ಆಕಾಂಕ್ಷಿ ಡೊನಾಲ್ಡ್ ಟ್ರಂಪ್ ನಡುವೆ ಇಂದು ನಡೆದ ಪ್ರಥಮ ಮುಖಾಮುಖಿ ಚರ್ಚೆಯಲ್ಲಿ ಕಂಡುಬಂದ ಪ್ರಮುಖ ಅಂಶಗಳು.

ಅಮೆರಿಕ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುವುದಕ್ಕೂ ಮುನ್ನ ಇಂದು ಇಲ್ಲಿ ನಡೆದ ಅಧ್ಯಕ್ಷೀಯ ಮುಖಾಮುಖಿ ಚರ್ಚೆಯಲ್ಲಿ ಈ ಇಬ್ಬರು ನಾಯಕರು ಮುಖಾಮುಖಿಯಾಗಿ ದೇಶದ ಆರ್ಥಿಕ ಸ್ಥಿತಿಗತಿಗಳ ಸುಧಾರಣೆ ಮತ್ತು ಉದ್ಯೋಗ ಸೃಷ್ಟಿ ವಿಷಯಗಳನ್ನು ಪ್ರಮುಖವಾಗಿ ಪ್ರಸ್ತಾಪಿಸಿ ತಮ್ಮ ವಾದಗಳನ್ನು ಮಂಡಿಸಿದರು.

ತಮ್ಮ ಚರ್ಚಾ ವೇದಿಕೆಯನ್ನು ಸಮರ್ಥವಾಗಿ ಬಳಸಿಕೊಂಡ ಟ್ರಂಪ್, ಚೀನಾ ಮರು ನಿರ್ಮಾಣಕ್ಕಾಗಿ ಅಮೆರಿಕವನ್ನು ಒಂದು ದೊಡ್ಡ ಬ್ಯಾಂಕ್ ಆಗಿ ಮಾಡಿಕೊಳ್ಳಲಾಗುತ್ತಿದೆ. ನಮ್ಮ ದೇಶದ ಉದ್ಯೋಗಾವಕಾಶಗಳು ಮೆಕ್ಸಿಕೊ ಸೇರಿದಂತೆ ಅನೇಕ ದೇಶಗಳದತ್ತ ಪಲಾಯನವಾಗುತ್ತಿದೆ. ಚೀನಾ ನಮ್ಮ ಉತ್ಪನ್ನಗಳನ್ನು ಕಳಪೆಯಾಗಿ ತಯಾರಿಸಿ ನಮಗೆ ಸೆಡ್ಡು ಹೊಡೆಯುತ್ತಿದೆ. ನಮ್ಮ ಕರೆನ್ಸಿ ಅಪಮೌಲ್ಯವಾಗುತ್ತಿದೆ. ಈ ಸಮಸ್ಯೆಗಳ ವಿರುದ್ಧ ಈಗಿನ ಸರ್ಕಾರದಲ್ಲಿ ಯಾರೂ ಕೂಡ ಹೋರಾಡುತ್ತಿಲ್ಲ. ನಾವು ಇವುಗಳ ವಿರುದ್ಧ ಹೋರಾಡಿ ಗೆಲ್ಲುತ್ತೇವೆ ಎಂದು ಟ್ರಂಪ್ ಆಶ್ವಾಸನೆ ನೀಡಿದರು.

ಟ್ರಂಪ್ಗೆ ತಿರುಗೇಟು ನೀಡಿದ ಹಿಲರಿ ಕ್ಲಿಂಟನ್, ಅವರ ವಾದಗಳನ್ನು ತಳ್ಳಿ ಹಾಕಿದರು. ವಾಣಿಜ್ಯೋದ್ಯಮವು ನಮ್ಮ ತುಂಬಾ ಮುಖ್ಯವಾದ ಸಂಗತಿ. ವಿಶ್ವದ ಜನಸಂಖ್ಯೆಯಲ್ಲಿ ನಾವು ಶೇಕಡ 5ರಷ್ಟಿದ್ದೇವೆ. ಶೇಕಡ 95ರಷ್ಟು ಜನಸಂಖ್ಯೆ ಇರುವ ಇತರ ದೇಶಗಳೊಂದಿಗೆ ನಾವು ವಾಣಿಜ್ಯ-ವಹಿವಾಟು ನಡೆಸಬೇಕಿದೆ. ಸನ್ನಿವೇಶ ಹೀಗಿರುವಾಗ ನಾವು ಅತ್ಯಂತ ಜಾಣ್ಮೆ ಮತ್ತು ಚಾಣಾಕ್ಷತನದಿಂದ ವ್ಯವಹರಿಸಬೇಕಾಗುತ್ತದೆ ಎಂದು ಹಿಲರಿ ತಮ್ಮ ಪ್ರತಿವಾದ ಮಂಡಿಸಿದರು. ಅಮೆರಿಕ ಅಧ್ಯಕ್ಷೀಯ ಅಕಾಂಕ್ಷಿಗಳ ಚರ್ಚಾ ವೇದಿಕೆಯಲ್ಲಿ ಪ್ರಥಮ ಬಾರಿ ಕಾಣಿಸಿಕೊಂಡ ದೇಶದ ಮೊತ್ತಮೊದಲ ಮಹಿಳೆ ಎಂಬ ಹೆಸರು ಹಿಲರಿಯ ಪ್ರತಿಷ್ಠೆಯನ್ನು ಇನ್ನಷ್ಟು ಹೆಚ್ಚಿಸಿದೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಕಾಲಗಣನೆ ಆರಂಭವಾಗುತ್ತಿದ್ದಂತೆ ಇವರಿಬ್ಬರ ನಡುವೆ ಸ್ಪರ್ಧೆಯ ಕಾವು ಕೂಡ ಏರತೊಡಗಿದೆ. ಅಮರಿಕ ರಾಜಕೀಯ ಇತಿಹಾಸದಲ್ಲೇ ಅತ್ಯಧಿಕ ಸಂಖ್ಯೆಯ ಜನರು ವೀಕ್ಷಿಸಿದ ಮತ್ತು ಬಹು ನಿರೀಕ್ಷಿತ ಚರ್ಚಾ ವೇದಿಕೆ ಎಂಬ ಹೆಗ್ಗಳಿಕೆಗೂ ಇದು ಪಾತ್ರವಾಗಿದೆ.