ಶಿವಮೊಗ್ಗ ಜಿಲ್ಲೆ ರಸ್ತೆ ಅಭಿವೃದ್ಧಿಗೆ ಕೇಂದ್ರದ ಭರ್ಜರಿ ಅನುದಾನ | ಯಾವ ತಾಲೂಕಿಗೆ ಎಷ್ಟು?

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ಶಿವಮೊಗ್ಗ (Shivamogga) ಲೋಕಸಭಾ ಕ್ಷೇತ್ರದ ಗ್ರಾಮೀಣ ಹಾಗೂ ನಗರ ಪ್ರದೇಶಗಳ ಸಂಪರ್ಕ ರಸ್ತೆಗಳ ಸುಧಾರಣೆಗೆ ಕೇಂದ್ರ ಸರ್ಕಾರ ₹68 ಕೋಟಿ ಅನುದಾನ ಮಂಜೂರು ಮಾಡಿದೆ ಎಂದು ಸಂಸದ ಬಿ.ವೈ. ರಾಘವೇಂದ್ರ (B Y Raghavendra) ತಿಳಿಸಿದ್ದಾರೆ.

ಕೇಂದ್ರ ರಸ್ತೆ ಮತ್ತು ಮೂಲಸೌಕರ್ಯ ನಿಧಿ (CRIF) ಅಡಿಯಲ್ಲಿ ಒಟ್ಟು 13 ಪ್ರಮುಖ ರಸ್ತೆ ಕಾಮಗಾರಿಗಳಿಗೆ ಆಡಳಿತಾತ್ಮಕ ಅನುಮೋದನೆ ದೊರೆತಿದ್ದು, 84.78 ಕಿಲೋ ಮೀಟರ್ ಉದ್ದದ ರಸ್ತೆಗಳನ್ನು ಮರುಡಾಂಬರೀಕರಣ ಹಾಗೂ ಮೇಲ್ದರ್ಜೆಗೇರಿಸಲಾಗುತ್ತದೆ ಎಂದರು.

Also Read>> ಗ್ರಾಮೀಣ ಭಾಗದಲ್ಲಿ ವಿವಿಧ ಅಭಿವೃದ್ಧಿ ಕಾರ್ಯ ಕೈಗೊಳ್ಳಲು ಸಂಸದ ರಾಘವೇಂದ್ರ ಸೂಚನೆ

ಶಿವಮೊಗ್ಗ ನಗರ ಮತ್ತು ಗ್ರಾಮಾಂತರ ಸೇರಿದಂತೆ ಭದ್ರಾವತಿ, ಶಿಕಾರಿಪುರ, ಸೊರಬ, ಸಾಗರ, ತೀರ್ಥಹಳ್ಳಿ ಹಾಗೂ ಬೈಂದೂರು ತಾಲ್ಲೂಕುಗಳ ರಸ್ತೆಗಳು ಈ ಯೋಜನೆಯಲ್ಲಿ ಒಳಗೊಂಡಿವೆ ಎಂದರು.

ಜಿಲ್ಲೆಯ ಪ್ರಮುಖ ಸಂಪರ್ಕ ರಸ್ತೆಗಳ ಬಲವರ್ಧನೆ, ಸುಗಮ ಸಂಚಾರ ಹಾಗೂ ಆರ್ಥಿಕ ಚಟುವಟಿಕೆಗಳಿಗೆ ಉತ್ತೇಜನ ನೀಡುವ ಉದ್ದೇಶದಿಂದ ಈ ಯೋಜನೆ ಜಾರಿಗೊಳ್ಳುತ್ತಿದೆ. ಕಾಮಗಾರಿಗಳು ಪೂರ್ಣಗೊಂಡ ಬಳಿಕ ಜಿಲ್ಲೆಯ ಆರ್ಥಿಕ, ಶೈಕ್ಷಣಿಕ ಹಾಗೂ ಪ್ರವಾಸೋದ್ಯಮ ಕ್ಷೇತ್ರಗಳಿಗೆ ಸಹಕಾರಿಯಾಗಲಿದೆ ಎಂದು ಸಂಸದರು ತಿಳಿಸಿದ್ದಾರೆ.

ಈ ಅನುದಾನಕ್ಕಾಗಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಹಾಗೂ ಕೇಂದ್ರ ಭೂಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರಿಗೆ ಸಂಸದರು ಕೃತಜ್ಞತೆ ಸಲ್ಲಿಸಿದ್ದಾರೆ.

ಶಿವಮೊಗ್ಗ ಜಿಲ್ಲೆ ತಾಲೂಕುವಾರು ರಸ್ತೆ ಕಾಮಗಾರಿ ವಿವರ

ಶಿವಮೊಗ್ಗ ತಾಲ್ಲೂಕು: ರಾಜ್ಯ ಹೆದ್ದಾರಿ 57, 254, 65 — 13.20 ಕಿ.ಮೀ — ₹20 ಕೋಟಿ

ಭದ್ರಾವತಿ ತಾಲ್ಲೂಕು: ರಾಜ್ಯ ಹೆದ್ದಾರಿ 250 — 3 ಕಿ.ಮೀ — ₹2 ಕೋಟಿ
ಭದ್ರಾವತಿ ತಾಲ್ಲೂಕು: ರಾಜ್ಯ ಹೆದ್ದಾರಿ 68 & 57 ಸಂಪರ್ಕ ರಸ್ತೆ — 8 ಕಿ.ಮೀ — ₹6 ಕೋಟಿ

ಸಾಗರ ತಾಲ್ಲೂಕು: ಶಿರಾಳಕೊಪ್ಪ–ಸಾಗರ ರಸ್ತೆ — 9.86 ಕಿ.ಮೀ — ₹6 ಕೋಟಿ

ಶಿವಮೊಗ್ಗ ಗ್ರಾಮಾಂತರ: ಹಲಗೇರಿ–ಹಾಲ್ಕಲ್ — 4.92 ಕಿ.ಮೀ — ₹4 ಕೋಟಿ

ಬೈಂದೂರು ತಾಲ್ಲೂಕು: ಅನಪಾರು–ಸಿದ್ದಾಪುರ — 3 ಕಿ.ಮೀ — ₹2 ಕೋಟಿ
ಬೈಂದೂರು ತಾಲ್ಲೂಕು: ತೀರ್ಥಹಳ್ಳಿ–ಕುಂದಾಪುರ ರಸ್ತೆ — 3 ಕಿ.ಮೀ — ₹2 ಕೋಟಿ
ಬೈಂದೂರು ತಾಲ್ಲೂಕು: ತಲ್ಲೂರು–ಉಪ್ಪಿನಕುದ್ರು — 4 ಕಿ.ಮೀ — ₹2 ಕೋಟಿ

ತೀರ್ಥಹಳ್ಳಿ ತಾಲ್ಲೂಕು: ಜಿಲ್ಲಾ ರಸ್ತೆ — 3.80 ಕಿ.ಮೀ — ₹3.50 ಕೋಟಿ

ಹೊಸನಗರ ತಾಲ್ಲೂಕು: ಪಡುಬಿದ್ರೆ–ಚಿಕ್ಕಲಗೋಡು — 4 ಕಿ.ಮೀ — ₹2.50 ಕೋಟಿ

ಶಿಕಾರಿಪುರ ತಾಲ್ಲೂಕು: ರಾಜ್ಯ ಹೆದ್ದಾರಿ 148 — 11 ಕಿ.ಮೀ — ₹6 ಕೋಟಿ

ಸೊರಬ ತಾಲ್ಲೂಕು: ವಿವಿಧ ರಾಜ್ಯ ಹೆದ್ದಾರಿಗಳು — 10 ಕಿ.ಮೀ — ₹6 ಕೋಟಿ

ಶಿವಮೊಗ್ಗ ನಗರ: ಬೊಮ್ಮನಕಟ್ಟೆ–ಗೆಜ್ಜೇನಹಳ್ಳಿ — 7 ಕಿ.ಮೀ — ₹6 ಕೋಟಿ

ಒಟ್ಟು ₹68 ಕೋಟಿ ವೆಚ್ಚದಲ್ಲಿ 84.78 ಕಿ.ಮೀ ರಸ್ತೆ ಅಭಿವೃದ್ಧಿಯಾಗಲಿದ್ದು, ಸಂಚಾರ ವ್ಯವಸ್ಥೆ ಸುಧಾರಣೆಗೆ ಇದು ಮಹತ್ವದ ಹೆಜ್ಜೆಯಾಗಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news