28 ಸ್ಥಾನಗಳಲ್ಲಿ ಗೆಲ್ಲುವ ವಿಶ್ವಾಸ, ಒಂದೆರೆಡು ವ್ಯತ್ಯಾಸ ಆಗಬಹುದು | ಬಿ.ಎಸ್. ಯಡಿಯೂರಪ್ಪ

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ಬಿ.ವೈ.ರಾಘವೇಂದ್ರ #B Y Raghavendra ಅವರು ಸುಮಾರು ಎರಡು ಲಕ್ಷ ಮತಗಳ ಅಂತರದಿಂದ ಗೆಲ್ಲುತ್ತಾರೆ ಎಂದು ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ #B S Yadiyurappa ಹೇಳಿದರು.

ಅವರು ಇಂದು ಫೇಸಿಟ್‍ನ ಪ್ರೇರಣಾ ಸಭಾಂಗಣದಲ್ಲಿ ಆಯೋಜಿಸಿದ್ದ ವೃತ್ತಿಪರರ ಜೊತೆಗೆ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿ, ರಾಜ್ಯದಲ್ಲಿ ಬಿಜೆಪಿ 28 ಸ್ಥಾನಗಳಲ್ಲಿ ಗೆಲ್ಲುವ ವಿಶ್ವಾಸ ಇದೆ. ಒಂದೆರೆಡು ವ್ಯತ್ಯಾಸ ಆಗಬಹುದು. ರಾಜ್ಯದ ಎಲ್ಲಾ ಕಡೆ ಪ್ರವಾಸ ಮಾಡಿದ್ದೇನೆ. ಇದೇ ತರಹದ ವಾತಾವರಣ ಇದೆ ಎಂದರು.
ಭಾರತಿ ಶೆಟ್ಟಿ ಮಾತನಾಡಿ, ಆರ್ಥಿಕವಾಗಿ ಭಾರತ ಐದನೇ ಸ್ಥಾನ ಹೆಮ್ಮೆ. ಬಿಜೆಪಿಗೆ ಒಂದೇ ಭಯ ಗ್ಯಾರಂಟಿ ಬುಡಬುಡಿಕೆ ಅಲ್ಲಾಡಿಸುತ್ತಾ ವೋಟ್ ಗಿಟ್ಟಿಸಿ ಜನರ ದಾರಿ ತಪ್ಪಿಸುವ ಕೆಲಸ. ಚುನಾವಣೆ ಸಂದರ್ಭದಲ್ಲಿ ಲಕ್ಷ ಗ್ಯಾರಂಟಿ ಬರುತ್ತೆ. ಅದರ ಹಿಂದೆ ಹೋದರೆ ನರಕ ಸಿಗುತ್ತೆ ಎಂದರು.

Also read: ವಿಐಎಸ್’ಎಲ್ ಕಾರ್ಖಾನೆ ಪುನಾರಂಭಕ್ಕೆ ಕ್ರಮ | ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ. ನಡ್ಡಾ ಮಹತ್ವದ ಹೇಳಿಕೆ

ಕ್ಲಸ್ಟರ್ ಪ್ರಭಾರಿ ಭಾನುಪ್ರಕಾಶ್ ಮಾತನಾಡಿ, 47 ರಲ್ಲಿ ಕಾಂಗ್ರೆಸ್ ಈಗಿನ ಕಾಂಗ್ರೆಸ್ ಆಗಿರಲಿಲ್ಲ. ಬೂಟು, ಲಾಠಿ ಏಟು ತಿಂದು ಸ್ವಾತಂತ್ರ್ಯ ಬಂದಿತು. 51 ರಲ್ಲಿ ಕಾಂಗ್ರೆಸ್ ಆಡಳಿತ ಆರಂಭ. ಆಗ ಪಕ್ಷ ಇರಲಿಲ್ಲ. ಈಗ ಹಸ್ತದ ಗುರುತಿನ ಕಾಂಗ್ರೆಸ್ ಅಲ್ಲ. ಸ್ವಾತಂತ್ರ್ಯ ಹೋರಾಟದ ಪ್ರತಿನಿಧಿ ಆಗಿತ್ತು. ಗಾಂಧಿ ಕಾಂಗ್ರೆಸ್ ವಿಸರ್ಜನೆ ಮಾಡಿ ಎಂದು ಹೇಳಿದ್ದರು. ಆದರೆ ಮಾಡಲಿಲ್ಲ ಎಂದರು.

ಕೊರೋನ #Corona ಬಂದಾಗ ಲಸಿಕೆ ಸಿದ್ಧಪಡಿಸಿದ್ದು , ಒಲಂಪಿಕ್ ಪದಕ ಬರುತ್ತಿರಲಿಲ್ಲ. ಜಿಮ್, ವ್ಯಾಯಾಮ ಶಾಲೆ ಇರಲಿಲ್ಲ. ಮೊದಲ ಬಾರಿಗೆ ಪದಕ ಸಾಧನೆ. ಮೋದಿಯ ದೊಡ್ಡ ಸುಧಾರಣೆ ದೇಶ ತಲೆ ಎತ್ತಿ ನಿಲ್ಲಿಸಿದ್ದು. ದೇಶ ಉಳಿಯಬೇಕಾ, ಬೇಡವಾ ಎಂಬ ಚುನಾವಣೆ ಇದು. ಇಡೀ ವಿಶ್ವದಲ್ಲೇ ಭರವಸೆಯ ನಾಯಕತ್ವ ಕೊಟ್ಟಿದ್ದಾರೆ ಮೋದಿ. ಮಾತೃ ಶಕ್ತಿ ಆಶೀರ್ವಾದ ಇರುವ ತನಕ ಬಿಜೆಪಿ ಗೆಲುವು ತಡೆಯಲು ಆಗಲ್ಲ ಎಂದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news