ಕಲ್ಪ ಮೀಡಿಯಾ ಹೌಸ್ | ಹುಬ್ಬಳ್ಳಿ |
2026ರ ಮಳೆಗಾಲದಲ್ಲಿ ಪ್ರಯಾಣಿಕರ ಸುರಕ್ಷತೆ ಹಾಗೂ ಅಡೆತಡೆಯಿಲ್ಲದ ರೈಲು ಸಂಚಾರವನ್ನು ಖಚಿತಪಡಿಸಲು ನೈಋತ್ಯ ರೈಲ್ವೆ(South Western Railway) ವ್ಯಾಪಕ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡಿದೆ.
ಜೂನ್ 1ರಿಂದ ಅಕ್ಟೋಬರ್ 31ರವರೆಗೆ ಸಾಮಾನ್ಯವಾಗಿ ಮಳೆಗಾಲ ಅವಧಿ ಜಾರಿಯಲ್ಲಿರುತ್ತದೆ. ಆದರೆ ಬೆಂಗಳೂರು ಮತ್ತು ಮೈಸೂರು ವಿಭಾಗಗಳ ಕೆಲವು ಮಾರ್ಗಗಳಲ್ಲಿ ಸ್ಥಳೀಯ ಹವಾಮಾನವನ್ನು ಅವಲಂಬಿಸಿ ಈ ಅವಧಿಯನ್ನು ಆಗಸ್ಟ್ ಮಧ್ಯದಿಂದ ನವೆಂಬರ್ ಮಧ್ಯದವರೆಗೆ ವಿಸ್ತರಿಸಲಾಗುತ್ತದೆ.
Also Read>> ಭಕ್ತಿಯನ್ನು ರಾಜಕೀಯಕ್ಕೆ ಬಳಸುವುದು ಮಹಾ ಪಾಪ: ಮಾಜಿ ಡಿಸಿಎಂ ಈಶ್ವರಪ್ಪ
ಅಧಿಕಾರಿಗಳಿಗೆ SMS ಎಚ್ಚರಿಕೆಗಳನ್ನು ರವಾನೆ
ಸೇತುವೆಗಳ ಸುರಕ್ಷತೆಯನ್ನು ಬಲಪಡಿಸಲು ಪ್ರವಾಹ ಇತಿಹಾಸ ಆಧರಿಸಿ ಗುರುತಿಸಲಾದ 15 ಪ್ರಮುಖ ಸೇತುವೆಗಳಲ್ಲಿ Water Level Monitoring Instruments (WLMI)ಗಳನ್ನು ಅಳವಡಿಸಲಾಗಿದೆ. ಇವು ನೈಜ-ಸಮಯದ ನೀರಿನ ಮಟ್ಟ ಮಾಹಿತಿ ನೀಡುವ ಜೊತೆಗೆ ಅಧಿಕಾರಿಗಳಿಗೆ SMS ಎಚ್ಚರಿಕೆಗಳನ್ನು ರವಾನಿಸುತ್ತವೆ.
2026ರ ಮಳೆಗಾಲ ಅವಧಿ ಸಾಮಾನ್ಯವಾಗಿ ಜೂನ್ 1ರಿಂದ ಅಕ್ಟೋಬರ್ 31ರವರೆಗೆ ಜಾರಿಯಲ್ಲಿರುತ್ತದೆ. ಆದರೆ ಬೆಂಗಳೂರು ಮತ್ತು ಮೈಸೂರು ವಿಭಾಗಗಳ ಕೆಲವು ಆಯ್ದ ಮಾರ್ಗಗಳಲ್ಲಿ ಸ್ಥಳೀಯ ಹವಾಮಾನ ಪರಿಸ್ಥಿತಿಗಳ ಆಧಾರದ ಮೇಲೆ ಈ ಅವಧಿ ಆಗಸ್ಟ್ ಮಧ್ಯದಿಂದ ಅಥವಾ ಸೆಪ್ಟೆಂಬರ್ ಆರಂಭದಿಂದ ನವೆಂಬರ್ ಮಧ್ಯದವರೆಗೆ ವಿಸ್ತರಿಸಲಾಗುತ್ತದೆ. ಈ ಅವಧಿಯಲ್ಲಿ ಸುರಕ್ಷಿತ ಮತ್ತು ವಿಶ್ವಾಸಾರ್ಹ ರೈಲು ಕಾರ್ಯಾಚರಣೆಯನ್ನು ಖಚಿತಪಡಿಸಲು ವ್ಯಾಪಕ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ.
ಸೇತುವೆಗಳ ಸುರಕ್ಷತೆಯನ್ನು ಮತ್ತಷ್ಟು ಬಲಪಡಿಸಲು, ಹಿಂದಿನ ಪ್ರವಾಹದ ಇತಿಹಾಸವನ್ನು ಆಧರಿಸಿ ಗುರುತಿಸಲಾದ 15 ಪ್ರಮುಖ ಸೇತುವೆಗಳಲ್ಲಿ Water Level Monitoring Instruments (WLMI)ಗಳನ್ನು ಅಳವಡಿಸಲಾಗಿದೆ. ಈ ಸಾಧನಗಳು ನೈಜ-ಸಮಯದಲ್ಲಿ ನೀರಿನ ಮಟ್ಟದ ಮಾಹಿತಿಯನ್ನು ಒದಗಿಸುವುದರೊಂದಿಗೆ, ಅಧಿಕಾರಿಗಳಿಗೆ ದೈನಂದಿನ ಸ್ವಯಂಚಾಲಿತ SMS ಎಚ್ಚರಿಕೆಗಳನ್ನು ಕಳುಹಿಸಿ, ಸಕಾಲಿಕ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಲು ಸಹಕಾರಿಯಾಗಿವೆ.
ನೀರು ನಿಲುಗಡೆಯ ಅಪಾಯವಿರುವ 48 ರಸ್ತೆ ಕೆಳ ಸೇತುವೆಗಳು (RUB) ಗುರುತಿಸಲ್ಪಟ್ಟಿದ್ದು, ಅವುಗಳಲ್ಲಿ ಹೂಳು ತೆಗೆಯುವುದು, ಪ್ರವಾಹ ಮಟ್ಟ ಸೂಚಕಗಳನ್ನು ಅಳವಡಿಸುವುದು, ಎಚ್ಚರಿಕೆ ಫಲಕಗಳನ್ನು ಸ್ಥಾಪಿಸುವುದು ಹಾಗೂ 24×7 ಮೇಲ್ವಿಚಾರಣೆಯನ್ನು ಜಾರಿಗೊಳಿಸಲಾಗಿದೆ. ಆಯ್ದ RUBಗಳಲ್ಲಿ ಪ್ರಾಯೋಗಿಕವಾಗಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದ್ದು, Bridge Management System (BMS) ಮೂಲಕ ನೈಜ-ಸಮಯದ ಮೇಲ್ವಿಚಾರಣೆ ನಡೆಯುತ್ತಿದೆ. ಹೆಚ್ಚಿನ ಗಾಳಿಯ ಪರಿಸ್ಥಿತಿಗಳನ್ನು ಗಮನಿಸಲು ಮೈಸೂರು–ಅರಸೀಕೆರೆ ಮಾರ್ಗದ ಸಾಗರಕಟ್ಟೆ ಸಮೀಪ ಅನಿಮೋಮೀಟರ್ ಅನ್ನು ಸ್ಥಾಪಿಸಲಾಗಿದೆ.
Also Read>> ಕುಮದ್ವತಿ ವಸತಿ ಶಾಲೆಯಲ್ಲಿ ಮಾದರಿ ಪ್ರಜಾಪ್ರಭುತ್ವ | ವಿದ್ಯಾರ್ಥಿ ಸಂಘದ ಚುನಾವಣೆ ಯಶಸ್ವಿ
52 ಮಳೆ ಮಾಪನ ಕೇಂದ್ರಗಳಿಂದ ಮಾಹಿತಿ ಸಂಗ್ರಹ
ಹವಾಮಾನ ಸಂಬಂಧಿತ ತುರ್ತು ಪರಿಸ್ಥಿತಿಗಳಿಗೆ ತಕ್ಷಣ ಪ್ರತಿಕ್ರಿಯಿಸಲು, ಹುಬ್ಬಳ್ಳಿಯಲ್ಲಿರುವ ಕೇಂದ್ರ ನಿಯಂತ್ರಣ ಕಚೇರಿ ಭಾರತ ಹವಾಮಾನ ಇಲಾಖೆ (IMD)ಯಿಂದ ಎಚ್ಚರಿಕೆಗಳನ್ನು ಸ್ವೀಕರಿಸಿ, ಅವುಗಳನ್ನು ತಕ್ಷಣವೇ ಸಂಬಂಧಿತ ಕ್ಷೇತ್ರಾಧಿಕಾರಿಗಳಿಗೆ ರವಾನಿಸುತ್ತದೆ. ಜೊತೆಗೆ, 52 ಮಳೆ ಮಾಪನ ಕೇಂದ್ರಗಳಿಂದ ಸಂಗ್ರಹಿಸಲಾದ ದೈನಂದಿನ ಮಳೆಯ ಮಾಹಿತಿಯನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡಲಾಗುತ್ತಿದೆ.
ತುರ್ತು ಪರಿಸ್ಥಿತಿಗಳಲ್ಲಿ ತ್ವರಿತ ಪುನಃಸ್ಥಾಪನೆ ಕಾರ್ಯಗಳನ್ನು ಕೈಗೊಳ್ಳಲು, ಬಂಡೆಗಳು ಮತ್ತು ಮರಳು ಚೀಲಗಳಂತಹ ಮಾನ್ಸೂನ್ ಮೀಸಲು ಸಾಮಗ್ರಿಗಳನ್ನು ಹುಬ್ಬಳ್ಳಿ ಮತ್ತು ಮೈಸೂರು ವಿಭಾಗಗಳ ಏಳು ಪ್ರಮುಖ ಸ್ಥಳಗಳಲ್ಲಿ ಪೂರ್ವಭಾವಿಯಾಗಿ ಸಂಗ್ರಹಿಸಲಾಗಿದೆ. ಅಗತ್ಯವಿದ್ದಲ್ಲಿ ತಕ್ಷಣ ಬಳಸಲು ಅಗೆಯುವ ಯಂತ್ರಗಳು, ಕಂಪ್ರೆಸರ್ಗಳು ಸೇರಿದಂತೆ ವಿವಿಧ ಉಪಕರಣಗಳನ್ನೂ ಸಿದ್ಧವಾಗಿರಿಸಲಾಗಿದೆ.
ಮಳೆಗಾಲದಲ್ಲಿ ಪೆಟ್ರೋಲಿಂಗ್ ವ್ಯವಸ್ಥೆ ತೀವ್ರ
ಇಳಿಜಾರು ಪ್ರದೇಶಗಳ ಸ್ಥಿರತೆಯನ್ನು ಹೆಚ್ಚಿಸಲು ಮಣ್ಣಿನ ನೈಲಿಂಗ್, ಬಂಡೆಗಳ ಅಳವಡಿಕೆ, ಮರದ ಕೊಂಬೆಗಳ ಕತ್ತರಿಸುವುದು, ಹುಲ್ಲಿನ ಬಲವರ್ಧನೆ ಹಾಗೂ ಗೇಬಿಯನ್ ಮತ್ತು ರಿಟೈನಿಂಗ್ ಗೋಡೆಗಳಂತಹ ರಕ್ಷಣಾತ್ಮಕ ಕಾಮಗಾರಿಗಳನ್ನು ಕೈಗೊಳ್ಳಲಾಗಿದೆ. ದುರ್ಬಲ ಘಾಟ್ ವಿಭಾಗಗಳಲ್ಲಿ ಸುರಂಗ ಪ್ರವೇಶ ಭಾಗಗಳನ್ನು ವಿಸ್ತರಿಸುವ ಮೂಲಕ ಬಂಡೆಗಳು ಹಳಿಗೆ ಬೀಳುವುದನ್ನು ತಡೆಯಲಾಗಿದೆ. ಜೊತೆಗೆ, ಪಕ್ಕದ ಚರಂಡಿಗಳು ಮತ್ತು ಕ್ಯಾಚ್-ವಾಟರ್ ಡ್ರೈನ್ಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲಾಗಿದೆ.
ಮಳೆಗಾಲದಲ್ಲಿ ಪೆಟ್ರೋಲಿಂಗ್ ವ್ಯವಸ್ಥೆಯನ್ನು ತೀವ್ರಗೊಳಿಸಲಾಗಿದ್ದು, ಅಪಾಯದ ಪ್ರದೇಶಗಳಲ್ಲಿ ಕಾವಲುಗಾರರನ್ನು ನಿಯೋಜಿಸಲಾಗಿದೆ. ನೀರಿನ ಮೂಲಗಳ ಅಚಾನಕ್ ಒಡೆತ ಅಥವಾ ಹೆಚ್ಚುವರಿ ನೀರಿನ ಬಿಡುಗಡೆಗಳಿಂದ ಉಂಟಾಗಬಹುದಾದ ಅಪಾಯಗಳನ್ನು ತಗ್ಗಿಸಲು ಸ್ಥಳೀಯ ಆಡಳಿತದೊಂದಿಗೆ ಜಂಟಿ ಪರಿಶೀಲನೆಗಳನ್ನು ನಡೆಸಲಾಗಿದೆ.
Also Read>> ಅಥ್ಲೆಟಿಕ್ಸ್ ಕ್ಷೇತ್ರದಲ್ಲಿ ಹೊಸ ಮೈಲಿಗಲ್ಲು | ಜೆಎಸ್ಡಬ್ಲ್ಯೂ ಸ್ಪೋರ್ಟ್ಸ್ ಸಾಧನೆಗೆ ಮನ್ನಣೆ!
ತುರ್ತು ಸಂದರ್ಭಗಳಲ್ಲಿ ತಕ್ಷಣ ವೈದ್ಯಕೀಯ ನೆರವು ಒದಗಿಸಲು, ಎಲ್ಲಾ ವಿಭಾಗಗಳಲ್ಲಿ ಸಂಪೂರ್ಣ ಸಜ್ಜಿತ ಸಹಾಯಕ ವೈದ್ಯಕೀಯ ಪರಿಹಾರ ರೈಲುಗಳು ಮತ್ತು ಸ್ವಯಂ ಚಾಲಿತ ಅಪಘಾತ ಪರಿಹಾರ ರೈಲುಗಳನ್ನು ಕಾರ್ಯತಂತ್ರದ ರೀತಿಯಲ್ಲಿ ನಿಯೋಜಿಸಲಾಗಿದೆ.
ಈ ಎಲ್ಲಾ ಪೂರ್ವಭಾವಿ ಹಾಗೂ ಸಮನ್ವಿತ ಕ್ರಮಗಳು, ಪ್ರಯಾಣಿಕರ ಸುರಕ್ಷತೆ, ರೈಲು ಮೂಲಸೌಕರ್ಯದ ರಕ್ಷಣೆ ಹಾಗೂ ಮಳೆಗಾಲದುದ್ದಕ್ಕೂ ನಿರಂತರ ಮತ್ತು ಸುಗಮ ರೈಲು ಸಂಚಾರವನ್ನು ಖಚಿತಪಡಿಸುವ ನೈಋತ್ಯ ರೈಲ್ವೆಯ ಬದ್ಧತೆಯನ್ನು ಸ್ಪಷ್ಟಪಡಿಸುತ್ತವೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
