ಮಕ್ಕಳಿಗೆ ಗುಡ್ ನ್ಯೂಸ್! ಶಿವಮೊಗ್ಗದ ಮಾಲ್’ನಲ್ಲಿ ಇಂಡೋರ್ ಗೇಮ್ ಲೋಕ ‘ಬಿ-ಫನ್’ ಆರಂಭ

ಕಲ್ಪ ಮೀಡಿಯಾ ಹೌಸ್   |  ಶಿವಮೊಗ್ಗ  |

ಶಿವಪ್ಪ ನಾಯಕ ಬ್ಯಾರಿ ಮಾಲ್ ನಲ್ಲಿ ಮಕ್ಕಳ ಇಂಡೋರ್ ಗೇಮ್ ಗಳ ಲೋಕವನ್ನೇ ಧರೆಗಿಳಿಸಲಾಗಿದೆ. ಮಕ್ಕಳಿಗಾಗಿ ಪಕ್ಕ ಮನರಂಜನಾ ಬಿಫನ್ B-Fun ಆರಂಭವಾಗಿದೆ.

ಬಿಫನ್ ನಲ್ಲಿ 50ಕ್ಕೂ ಹೆಚ್ಚೂ ಆಟಗಳನ್ನ ಇಡಲಾಗಿದ್ದು, ಬಿಫನ್ ಎಂಬ ಆಟದ ಲೋಕ 3ಕ್ಕೂ ಮೇಲ್ಪಟ್ಟ ಮಕ್ಕಳನ್ನು ಕೈಬೀಸಿ ಕರೆಯುತ್ತಿದೆ. ಇಂಡೋರ್ ಕ್ರಿಕೆಟ್, ಬೌಲಿಂಗ್, ಹಾಕಿ ಡ್ಯಾಶಿಂಗ್ ಕಾರ್, ಕಿಡ್ಡಿ ರೈಡ್ಸ್, ಸಾಫ್ಟ್ ಪ್ಲೇ ಏರಿಯಾ, ಕಿಡ್ಡಿ ಟ್ರೈನ್ ಹೀಗೆ ಆಟಗಳ ಸರಮಾಲೆಗಳನ್ನ ಮಕ್ಕಳು ಆಡಬಹುದಾಗಿದೆ.

ಆಟದ ಮೇಲೆ ದರವನ್ನ ನಿಗದಿ ಮಾಡಲಾಗಿದೆ. 30 ರೂ.ನಿಂದ 100 ರೂ.ಗಳ ವರೆಗಿನ ಆಟವನ್ನು ಇಲ್ಲಿ ಆಡಬಹುದಾಗಿದೆ. ಮಾಲ್ ನ ಮೂರನೇ ಮಹಡಿಯಲ್ಲಿ ಈ ಬಿಫನ್ ಲೋಕಾರ್ಪಣೆಗೊಂಡಿದೆ.

Also read: ಹಿಜಾಬ್’ಗಾಗಿ ಪರೀಕ್ಷೆ ಬಿಟ್ಟು ತೆರಳಿದ ವಿದ್ಯಾರ್ಥಿನಿ, ಭವಿಷ್ಯಕ್ಕಾಗಿ ಮನವೊಲಿಸಿ ಕರೆತಂದ ಪೋಷಕರು

ಮತ್ತೊಂದು ವಿಶೇಷವೆಂದರೆ ಅರ್ಧ ಗಂಟೆ ಅಥವಾ ಒಂದು ಗಂಟೆಗೆ ಮಕ್ಕಳನ್ನು ಇಲ್ಲಿ ಆಡಲು ಬಿಟ್ಟು, ಮಾಲ್ ನಲ್ಲಿ ಶಾಪಿಂಗ್ ಮಾಡಲು ಅವಕಾಶ ಮಾಡಿಕೊಡಲಾಗಿದೆ. ಮೂರು ವರ್ಷದ ಮೇಲ್ಪಟ್ಟ ಮಕ್ಕಳನ್ನು ಹಿಡಿದುಕೊಂಡು ಬರುವ ದಂಪತಿಗಳಿಗೆ ಶಾಪಿಂಗ್ ಗೆ ಕಿರಿಕಿರಿ ಉಂಟಾಗುತ್ತದೆ ಎಂದು ಭಾವಿಸಿದಲ್ಲಿ ಈ ಬಿಫನ್ ನಲ್ಲಿ ಬಿಟ್ಟು ಹೋಗಬಹುದು. ಒಂದು ಗಂಟೆಗೆ 100 ರೂ. ದರ ನಿಗದಿಪಡಿಸಲಾಗಿದೆ.

ದಕ್ಷಿಣ ಕನ್ನಡದ ಸಿದ್ದಕ್ ಬ್ಯಾರಿ ಅವರಿಂದ ನಿರ್ಮಾಣಗೊಂಡಿರುವ ಬಿಫನ್ ನನ್ನು ಸಚಿವ ಈಶ್ವರಪ್ಪ ನವರ ಪುತ್ರ ಕೆ.ಈ. ಕಾಂತೇಶ್, ಮೇಯರ್ ಸುನೀತಾ ಅಣ್ಣಪ್ಪನವರ ಮೂಲಕ ಉದ್ಘಾಟನೆಗೊಂಡಿದೆ. ಮಕ್ಕಳ ಬೇಸಿಗೆ ರಜೆಗೆ ಬಿಫನ್ ಒಳ್ಳೆಯ ಆಟದ ಲೋಕವಾಗಿ ಪರಿಣಮಿಸಬಹುದು.

ಈ ಸಂದರ್ಭದಲ್ಲಿ ಪ್ರಮುಖರಾದ ಎಸ್. ದತ್ತಾತ್ರಿ, ಜ್ಯೋತಿಪ್ರಕಾಶ್, ಪಾಲಿಕೆ ಸದಸ್ಯರಾದ ಅನಿತಾ ರವಿಶಂಕರ್, ವಿಶ್ವಾಸ್ ಮೊದಲಾದವರಿದ್ದರು.


ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news